काठमाण्डौ, 8 मार्च 2020
अन्तर्राष्ट्रिय महिला श्रमिक दिवसको अवसरमा जोन्टा क्लब अफ काठमाडौंले विभिन्न क्षेत्रमा कार्यरत महिलाहरुलाई सम्मान गरेको छ। क्लबले विभिन्न परिस्थितिका बाबजुत आफ्नो क्षेत्रमा योगदान र उपलब्धी हासिल गरेका महिलाहरुलाई सम्मान गरेको हो। क्लबले नेपाल प्रहरीका ए.आइ.जी. डा. आशा सिंहलाई प्रिन्शेस हेलेन शाअ इन्स्पोरेशनल वुमन अफ द इयर, खालि सिसिका प्रमुख कार्यकारी अधिृत आयुषी के.सी.लाई अमर राना गेम चेन्जर अवार्ड, प्राश्ना भट्टराईलाई ज्योति स्कलरशिप अवार्ड २०२० फर जेन एम. क्लाउस्म्यान वुमन इन बिजनेश स्कलरसिप अवार्ड, छिरिङ डि.के. लामालाई ज्योति स्कलरशिप अवार्ड २०२० फर योङ्ग वुमन इन टेकनोलोजी पुरस्कारबाट सम्मान गरेको हो।
त्यस्तै क्लबले नविल बैंकको सहयोगमा समाजको दृष्टिकोढा परिवर्तन गर्न सघाउ पुऱ्याउने विभिन्न 4 महिलाहरुलाई प्रति व्यक्ति २५ हजार रुपैयाँ प्रदान समेत गरेको छ। सम्मानित हुनेमा नाई सञ्चालक लक्ष्मी नापित, मेकानिक सरस्वती सुवाल, साझा बस चालक हर्मिता श्रेष्ठ, इलेक्ट्रिशियन मन्धिरा भण्डारी रहेका छन् ।