काठमाडौँ ,२० जानवरी २०२०
आगामी शैक्षिक सत्रदेखि विद्यालय तहका सम्पूर्ण विषयको कक्षा १२ सम्मका पाठ्यक्रम परिवर्तन हुने भएको छ । (अनिवार्य विषयबाट गणित विषय हट्यो, विज्ञहरुले भने कक्षा ११ र १२ मा गणित विषयलाई अनिवार्यबाट हटाइएकोमा आपत्ति जनाएका छन् ।
पाठ्यक्रम विकासकेन्द्रले सबै कक्षाका पाठ्यक्रमका प्रारुप तयार गरिसकेको छ । पहिलो चरणमा शैक्षिक सत्र ०७७,७८ मा कक्षा १ र १२ को पाठ्यक्रम परिवर्तन हुनेछ । दोस्रो चरणमा कक्षा २,३,६ र १२ को परिवर्तन हुने पाठ्यक्रम विकास केन्द्रले जनाएको छ ।
त्यसपछि क्रमसँगै कक्षा ४,५ तथा ७, ८ र ९ को पाठ्यक्रम परिवर्तन हुनेछ । शिक्षा ऐनले कक्षा ११ र १२ लाई पनि विद्यालय संरचनामा गाभेपछि नयाँ पाठ्यक्रम बनाइएको हो । ऐन संशोधन हुनुअघि कक्षा १० सम्मलाई मात्र विद्यालय संरचना मानिएको थयो ।
११ र १२ लाई उच्च माध्यामिक तह भनिन्थ्यो । परिवर्तित पाठ्यक्रमअनुसार दुवै कक्षामा तीनवटा अनिवार्य र तीजवटै विषय ऐच्छिक हुनेछ । कक्षा ११ मा अंग्रेजी, नेपाली, सामाजिक शिक्षा अजिवार्य गरिएको छ । कक्षा १२ मा पनि अंग्रेजी, नेपाली र जीवनोपयोगी विषयलाई अनिवार्य बनाइएको छ ।
गणितलाई एच्छिक विषयमा गणना गरिँदा स्नातक तहमा विद्यार्थीले इच्छाअनुसारको विषय पढ्न नपाउने भन्दै नेपाल गणित समाजले आपत्ति जनाएको छ ।
