नयाँ दिल्ली, 8 नोभेम्बर 2020
डेमोक्रेट पार्टीका उम्मेदवार जो बाइडेन अमेरिकाको 46 औं राष्ट्रपतिका रुपमा निर्वाचित हुनु भएको छ । वर्तमान राष्ट्रपति डोनाल्ड ट्रम्पलाई कडा प्रतिस्पर्धामा पराजित गर्दै बाइडेन राष्ट्रपति निर्वाचित हुनु भएको हो । बाइडेनले 279 सीट हासिल गर्नुभएको छ । पेन्सिलवानियामा निर्णायक अग्रता लिएपछि उहाँलाई विजेता घोषित गरिएको हो ।
महत्वपूर्ण मानिएको पेन्सिल्वानिया राज्यमा जित हात पारेसँगै बाइडेनले २ सय ७३ इलेक्टोरल भोट प्राप्त गर्नुभएको छ । ट्रम्पले भने 2 सय 14 इलेक्टोरल भोट पाउनुभएको छ ।
अमेरिकाको इतिहासमा बाइडेनले सबैभन्दा धेरै मत पाएर राष्ट्रपतिमा निर्वाचित हुने व्यक्ति पनि बन्न सफल हुनुभएको छ । 7 करोड 45 लाखभन्दा बढी अमेरिकीले बाइडेनको पक्षमा मत दिएका छन् ।
राष्ट्रपतिमा निर्वाचित भएपछि बाइडेनले समर्थकहरुलाई धन्यवाद दिनुभएको छ । चुनावमा डेमोक्रेट पार्टीकै कमला हेरिश अमेरिकाको प्रथम महिला उपराष्ट्रपतिमा निर्वाचित हुनु भएको छ । जीतपछिको आफ्नो सम्बोधनमा हेरिशले अमेरिकाले आशा, सत्यता र शालिनतालाई चयन गरेको प्रतिक्रिया दिनुभएको छ ।
७७ वर्षीय बाइडेनले अमेरिकी राष्ट्रपति पदको लागि योभन्दा पहिले पनि सन् 1988 र 2008 गरी दुई पटक चुनाव लडिसक्नुभएको छ । साथै बाइडेन पूर्व राष्ट्रपति बाराक ओबामाको दुईवटै राष्ट्रपति कालमा उपराष्ट्रपति रहुभएको थियो।
बाइडेनले आउँदो जनवरी २० मा राष्ट्रपतिको कार्यभार सम्हाल्नुहुनेछ ।
