अमेरिका, १६ मार्च, २०२०
कोरोना भाइरस (कोभिड-१९) कारण अमेरिकी दूतावासले यो चैत ४ गते देखि डाइभर्सिटी भिसा (डिभी) तथा गैर आप्रवासी भिसाको नियमित अपोइन्टमेन्ट रद्द गर्ने भएको छ ।
अमेरिकी दूतावास नेपालले आफ्नो आधिकारिक फेसबुक पेजमा यसबारे जानकारी दिएको हो । दूतावासले लेखेको छ, ‘हामी जतिसक्दो चाँडो भिसा सेवा पुनर्सञ्चालन गर्नेछौं तर यस बखत भने निश्चित समय तोक्न असमर्थ छौं ।’
दूतावासले एमआरभी भिसा शुल्क जुन मुलुकमा भुक्तानी गरिएको छ सोही मुलुकमा भुक्तानी मितिको एक वर्षसम्म भिसा आवेदनका निम्ति मान्य रहने जानकारी दिएको छ ।
