सिड्नी, १९ फरवरी, २०२०
अष्ट्रेलियाको सिड्नीमा अध्ययनरत एक नेपाली चेलीकोे मृत्यु भएको छ ।
अष्ट्रेलियाको सिड्नीमा रहेकी ललितपुर साना गाउँकी रमिला मर्हजनको मृत्यु भएको हो । उनी अध्ययनका लागि २ वर्ष अघि मात्रै अष्ट्रेलिया पुगेकी थिइन् ।
श्रोतका अनुसार अष्ट्रेलिया पुगेपछि रमिलाई ब्रेन ट्युमरको समस्या देखिएको थियो । त्यसको उपचार गराउने क्रममा उनको मृत्यु भएको बताइएको छ ।
श्रीमान संजय महर्जनसँगै अष्ट्रेलियामा रहेकी रमिलाको दाहसंस्कार अष्ट्रेलियामै गरिएको छ ।
ललितपुरको महालक्ष्मी नगरपालिका साना गाउँमा रहेको अनन्त इङ्गलिस स्कूलबाट एसएलसी गरेकी रमिला बिबिएस सकेर उच्च शिक्षाका लागि अष्ट्रेलिया गएकी थिइन् । उनको बिहे २ वर्ष अघिमात्र भएको थियो ।
‘हाल अष्ट्रेलियामा उच्च शिक्षा अध्ययनका क्रममा रहेकी अनन्त इङ्गलिस स्कूलको २०६४ व्याचकी होनहार छात्रा रमिला महर्जनको असामयिक निधनप्रति हार्दिक र श्रद्धाञ्जली व्यक्त गर्दछु । रमिलाको निधनबाट पत्नी वियोगको पीडामा परेका सोही व्याचका यसै विद्यालयका छात्र सञ्जय महर्जन एवम् दुबै परिवारमा परेको बज्रपातप्रति विद्यालय परिवार तथा व्यक्तिगत रूपमा म हार्दिक समवेदना व्यक्त गर्दछु ।’ प्रिन्सीपल घिमीरेले सामाजिक संजालमा लेखेका छन् ।
