काठमाडौं, 5 अप्रैल 2023
नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले आफू सरकारमा हुँदा सयौँ पक्की पुलहरु बनाएको बताएका छन्। पिछडावर्ग नेपालको प्रथम राष्ट्रिय महाधिवेशनमा सम्बोधनका क्रममा बुधबार वीरगंजमा अध्यक्ष ओलीले यस्तो बताए।उनले आफूहरु अहिलेसम्म सरकारमा भएको भए हुलाकी राजमार्ग पनि बनिसक्ने दाबी गरे।
‘अहिलेसम्म हामी सरकारमा भएको भए हुलाकी राजमार्ग पूरा भइसक्थ्यो। पुलहरु पूरा भइसक्थे’, उनले भने, ‘लामो समयदेखि तपाईंहरुले हुलाकी बाटो देख्नुभएको थियो। तर हुलाकी राजमार्ग अलिअलि सुन्न थाल्नुभएको थियो। हुलाकी राजमार्ग बनाउने भन्ने कुरा बीसौँ वर्ष तर म प्रधानमन्त्री भएपछि हुलाकी राजमार्ग सुरु भयो।’
उनले आफू प्रधानमन्त्री हुँदा नै मदन भण्डारी राजमार्ग सुरु गरेर झन्डै दुई वर्षमा पूरा गरेको बताए। त्यसमा केही पुलहरु बन्न बाँकी रहेको उनको भनाइ छ।
अर्को प्रसंगमा ओलीले एमालेले बनाएका जनसंगठनहरु फाटोका निम्ति नभएको बताए।
