लमजुङ, 31 अगस्त 2021
लमजुङमा आगलागी हुँदा एक दम्पतीको मृत्यु भएको छ । मर्स्याङ्दी गाउँपालिका–९ सेग्लेमा धन्सारमा बस्दै आएका दम्पतीको मृत्यु भएको प्रहरीले जनाएको छ । सेग्लेमा धन्सारमा बस्दै आएका वर्ष ५६ का धर्मराज भन्डारी र उनकी श्रीमती ५० वर्षीया पशुपति भण्डारीको मृत्यु भएको लमजुङका प्रहरी प्रमुख डिएसपी कृष्णबहादुर कार्कीले बताउनु भयो। उनीहरुको घटनास्थलमै मृत्यु भएको हो । घरमा राखिएको खाना पकाउने ग्याँस विस्फोट भएर आगलागी भएको हुनसक्ने प्रहरीको अनुमान छ । खुदी प्रहरी चौकीको टोली र जिल्ला प्रहरी कार्यालय लमजुङका इन्सपेक्टर जगदीश रेग्मीको प्रहरी टोली अनुसन्धानका लागि घटनास्थलमा पुगेका छन । जिल्ला प्रहरी कार्यालय लमजुङका प्रहरी प्रमुख डीएसपी कृष्णबहादुर कार्कीले रातीको समयमा आगलागी भएकाले छिमेकीले समेत थाह नपाएको र घरभित्रै दम्पतीको जलेर मृत्यु भएको बताए।
