नयाँ दिल्ली, २१ जनवरी २०२०
प्रधानमन्त्री केपी शर्मा ओली र नरेन्द्र मोदीले एकीकृत जाँच भन्सार बिन्दु (आईसीपी) संयुक्त रूपमा विराटनगरमा निर्माण भएको आज उद्घाटन गर्ने भएका छन् ।
प्रधानमन्त्रीद्वय ओली र मोदीले आज माघ ७ गतेका दिन संयुक्त रूपमा आईसीपीको डिजिटल (भिडियो कन्फ्रेन्स) मार्फत उद्घाटन गर्ने भएका हुन् । प्रधानमन्त्री ओली सिंहदरबारको वार रुमबाट र मोदीले दिल्लीबाटै भिडियो कन्फ्रेन्समा जोडिने तयारी भएको छ ।
आज बिहान १० बजे भिडियो कन्फ्रेन्समार्फत दुवै प्रधानमन्त्रीले स्वीच अन गरेर उद्घाटन गर्दै छन् ।
आईसीपी एक सय २९ बिघा क्षेत्रफलमा फैलिएको छ । आईसीपी परिसरबाहिर ४० बिघा जमिन छ । त्यसबाट दुई लेनको सडक र पछि आवश्यकताअनुसार ६ लेनसम्मको बनाइनेछ । सीमाको दसगजालाई आधार बनाएर आईसीपी निर्माण गरिएको हो ।
