रुपन्देही, 14 सितम्बर 2021

रुपन्देहीको गैडहवाका आफ्नै आठ महिने शिशुको हत्या गरेको आरोपमा एक दम्पती पक्राउ परेका छन् । गैडहवा-६ बस्ने श्रीराम मल्लाह र उनकी श्रीमती रेनुले आफ्नै घरको छतमा आठ महिने शिशुको घाँटी रेटेर हत्या गरेको प्रहरीले बताए । दम्पतीले यही भदौ २६ गते शिशुको हत्या गरेको स्वीकारेको र दुवै जनालाई हिरासतमा राखेर अनुसन्धान गरिरहेको प्रहरी प्रवक्ताले जनाए । हत्याको कारण एकिन नभए पनि जग्गा सम्बन्धी विवादको कारणले परिवारमा दैनिक झगडा हुने गरेको र घटना सोही कारणले भएको भन्ने बुझिएको प्रहरी प्रवक्ताले जनाएको छन। इलाका प्रहरी कार्यालय लुम्बिनी रुपन्देहीबाट प्रहरी निरीक्षक रबिन्द्र महतसहितको टोली २६ गते बिहानपख करिब १ बजे शिशुको हत्याको सूचना पाएपछि गैडहवामा गएको थियो । घटनास्थलको सुक्ष्म अबलोकन गर्ने क्रम अनुसार घरको छतमा आलो रगत जमेको अवस्थामा भेटिएको र मल्लाह दम्पती सुत्ने कोठाको टेबुलमा रगत लागेको र हँसिया भेटिएको प्रहरीले बताएको छ । बिस्तारामा, विद्युतको स्वीचमा र रेनुले लगाएको सारीमा पनि रगत जस्तो रातो पदार्थ लागेको फेला परेको जनाएका छन ।‘बरामद गरिएको प्राप्त प्रमाणको आधारमा सुक्ष्म रुपमा अनुसन्धान तथा सोधपुछ गर्दा दम्पतीले हत्या घटना स्वीकार गरेको,’ प्रहरीले जनाए। घटनामा संलग्न रहेका मल्लाह दम्पत्ती लाई घटनास्थलबाटै सोही दिन प्रहरीद्धारा पक्राउ गरेको थियो ।