एजेन्सी, 7 जनवरी 2020
इण्डोनेसियाको उत्तरपश्चिम क्षेत्रमा आज शक्तिशाली भूकम्पले हल्लाएको छ । एकेह प्रान्तमा आएका सो भूकम्पका कारण अहिलेसम्म कुनै सुनामी र क्षति भएको समाचार आएको छैन । तर सिनाबाङका कयौं भवन र सीसाहरु चर्किएका छन । अमेरिकी भूगर्भीय सर्वेक्षणका अनुसार भूकम्प 6.2 रेक्टर स्केलको रहेको थियो भने भूकम्पको केन्द्रविन्दु सुमात्रादेखि पश्चिम सिमिउले द्वीपनजिकै 20 किलोमिटर गहिराईमा रहेको थियो । इण्डोनेसियाको मौसम एंव भूभौतिक ब्यूरोले सुनामीको चेतावनी नरहेको जनाएको छ । इण्डोनेसियामा प्राय भूकम्प र ज्वालामुखी विष्फोट जस्ता घटना भइरहेका हुन्छन । 2018 मा सुलावेसी द्वीपमा 7.5 रेक्टर स्केलको भूकम्प र त्यसपछि आएको सुनामीपछि 22 हजारभन्दा धेरै मानिसहरुको मृत्यु भएको थियो भने 1 हजार व्यक्तिहरु हराएका थिए । त्यसैगरि 2004 मा एकेह प्रान्तमा आएको 9.1 म्याग्नीच्यूडको भूकम्प र त्यसपछि आएको सुनामीका कारण 1 लाख 70 हजारभन्दा धेरै मानिसहरुको मृत्यु भएको थियो ।
