इरानले कुनै आक्रमण गरे निर्णायक जवाफ दिने अमेरिकाको चेतावनी
काठमाडौं, 25 अक्टोबर 2023
अमेरिकी विदेशमन्त्री एन्टोनी ब्लिन्केनले इजरायल – हमास द्वन्द्व मध्यपूर्वका अन्य क्षेत्रमा फैलिने डरका बीच इरानलाई चेतावनी दिएका छन् । संयुक्त राष्ट्र सुरक्षा परिषदमा बोल्दै ब्लिन्केनले इरानका प्रोक्सीहरूले (अतिवादी समूहहरूलाई समर्थन गर्ने) अमेरिकामाथि कुनै आक्रमण गरे अमेरिकाले निर्णायक जवाफ दिने बताएका हुन् ।
संयुक्त राष्ट्र सुरक्षा परिषदमा बोल्दै ब्लिन्केनले भने, ‘अमेरिका इरानसँग द्वन्द्व चाहँदैन। हामी यो युद्ध अझै फैलिन चाहँदैनौं।’ यसअघि अमेरिकी सेनाले गत साता इराक र सिरियामा रहेका आफ्ना सैन्य अखडाहरूमा दर्जनभन्दा बढी ड्रोन आक्रमण भएको र त्यसमा २० भन्दा बढी सैनिक सामान्य घाइते भएको बताएको छ ।
ब्लिन्केनले भने, ‘यदि इरान वा यसका प्रोक्सीहरूले अमेरिकी सेनालाई कहीँ पनि आक्रमण गर्छ भने इरानले यस्तो गल्ती गर्नु हुँदैन। हामी हाम्रा जनताको सुरक्षा गर्नेछौं, हामी हाम्रो सुरक्षाको रक्षा गर्नेछौं र हामी धेरै छिटो र निर्णायक कदम चाल्नेछौं।’ ब्लिन्केनले चीन र रुसलगायतका सुरक्षा परिषद्का अन्य सदस्य राष्ट्रहरूलाई इरानलाई इजरायलविरुद्धको युद्धमा अर्को मोर्चा नखोल्न आग्रह गरेका छन्।