उपप्रधान तथा गृहमन्त्री श्रेष्ठको स्वास्थ्यमा सुधार
काठमाडौं, 20 अक्टोबर 2023
उपप्रधान तथा गृहमन्त्री नारायणकाजी श्रेष्ठको स्वस्थ्यमा समस्या आएपछि अचानक अस्पतालमा भर्ना भएका श्रेष्ठको स्वास्थ्यमा सुधार आएको छ ।
श्रेष्ठका स्वकीय सचिव विजय गौतमले मन्त्री श्रेष्ठको स्वास्थ्यमा सुधार आएको र आज विहान ‘आईसियू’बाट ‘जनरल’ वार्डमा सिफ्ट गरिएको जानकारी दिएका छन् ।
‘बेइजिंग भ्रमणको क्रममा हृदयघात भई पेकिंग युनियन अस्पतालमा उपचाररत माननीय उपप्रधान तथा गृहमन्त्री नारायणकाजी श्रेष्ठको स्वास्थ्यमा राम्रो सुधार भई आज विहान ‘आईसियू’बाट ‘जनरल’ वार्डमा सिफ्ट हुनु भएको छ ।’ श्रेष्ठका स्वकीय सचिव विजय गौतमले लेखेका छन् ।
मन्त्री स्वयमले भिडियो कुराकानीको क्रममा आफ्नो स्वास्थ्यमा राम्रो सुधार भएको बताउनु गौतमले जानकारी दिएका छन् ।
बीआरईको कार्यक्रमका लागि चारदिन देखी बेइजिङमा रहेका उपप्रधानमन्त्री श्रेष्ठलाई बिहीबार बेलुका माइल्ड हर्टअट्याक भएको कारण पेकिंग युनियन अस्पतालमा भर्ना गरीएको थियो ।
