काठमाडौं, 20 मई 2022
अखिल नेपाल फुटबल संघ एन्फाको आसन्न निर्वाचनमा अध्यक्ष पदका लागि हालका बरिष्ठ उपाध्यक्ष पंकज नेम्बाङले आफ्नो उम्मेदवारी दिनुभएको छ । एन्फाको नयाँ नेतृत्वका लागि पंकजले झापा फुटबल क्लबका अध्यक्ष भगिरथ आले र जाउलाखेल युग क्लबका अध्यक्ष महेन्द्र क्षेत्रीको समर्थनमा अध्यक्षमा मनोनयन दिनुभएको हो । त्यसअघि उहाले ललितपुरमा पत्रकार सम्मेलन गर्दै उम्मेदवार दिने घोषणा गर्नुभएको थियो । घोषणा कार्यक्रममा नेम्वाङले वर्तमान अध्यक्षले फुटवल क्षेत्रलाई धरासयी बनाउन खोजेको आरोप लगाउनुभयो । त्यस्तै एन्फामा ठूलो अनियमिमता भएको भन्दै उहाले एन्फाको अहिलेको नेतृत्वले पारदर्शिता र भ्रष्ट्राचारमा शुन्य सहनशीलता विपरित कार्य गरको बताउनुभयो । अहिलेको अवस्थामा नेपाली फुटबल अगाडी बढाउन आफुले उम्मेदवारीको घोषणा उहाको भनाई छ । आसन्न निर्वाचनका वर्तमान अध्यक्ष कर्माछिरिङ शेर्पाले थप चार बर्षका लागि अध्यक्षमा उम्मेदवारी दिने घोषणा गरिसक्नुभएको छ । एन्फामा ४८ मध्ये ४५ जिल्लासँग मताधिकार रहेको छ भने यस्तै बी डिभिजनबाट ११ क्लब, चार संघ, राष्ट्रिय लिगका लागि छनोट भएका चार क्लब, ए डिभिजनका १४ र सी डिभिजनका नौं क्लबसँग मताधिकार छ ।
