कांग्रेसलाई कुनै शक्तिले हराउन सक्दैन : कोइराला
काठमाडौं ,14 अक्टोबर 2023
कांग्रेस नेता तथा सांसद डा. शशांक कोइरालाले काठमाडौंमा आयोजित कार्यक्रममा उनले पछिल्लो समय कांग्रेसभित्र बीपीको विचार समाप्त हुने डर रहेको बताएका छन् । पार्टीभित्र रहेको इतिहास र विचारका कारण कांग्रेस अरु पार्टीभन्दा बलियो रहेको बताए ।
‘बीपीको विचारमा उभिएर पार्टी अगाडि बढेर आपसी एकताका साथ बीपीको विचार अंगालेमा कांग्रेसलाई कुनै शक्तिले हराउन सक्दैन,’ उनले भने । पार्टीमा आपसी एकता हुनुपर्ने पनि डा. कोइरालाको भनाइ थियो ।
त्यस्तै, बीपी कोइरालाको पहिलो सरकारको पालामा नेपालमा विकासको ढोका खुलेको बताउँदै डा. शशांक कोइरालाले देशमा भएको सम्भावनालाई उच्चतम प्रयोग गरी विकास र समृद्धिका लागि पार्टीका नेता कार्यकर्ता लाग्नुपर्नेमा जोड दिए ।