काठमाडौं, 24 सितम्बर 2021
चितवनको इच्छाकामना गाउँपालिका वडा नं. ५ स्थित नाग्दी खोलाबाट त्रिशूली नदीमा काठमाडौंबाट पोखरा जाँदै गरेको कार खस्दा तीन जना बेपत्ता भएका छन् । गएराति ग.२ च ४९१८ नम्बरको कार साढे १२ बजेतिर अनियन्त्रित भई सडकबाट करिब ३५ मिटर तल त्रिशूली नदीमा खस्दा चालक सहित तीनजना बेपत्ता भएको जिल्ला प्रहरी कार्यालय चितवनले बताएको छ । बेपत्ता हुनेमा कार चालक पोखरा महानगरपालिका वडा नं. १७ का ५५ वर्षका प्रेम बहादुर भुजेल, सोही स्थानका ५५ वर्षका लेख बहादुर भुजेल र उनकी श्रीमती ३६ वर्षीया ईश्वरी भुजेल छन् ।बेपत्ता भएकाको खोजी जारी रहेको प्रहरीले जनाएको छ ।
