काठमाडौं, 4 अक्तूबर 2021

तीव्र शहरी क्रियाकलापको लक्ष्यः कार्वन रहित विश्व भन्ने नाराका साथ सोमबार विश्व बसोबास दिवस मनाइएको छ । दिवसका अवसरमा शहरी विकास तथा भवन निर्माण बिभागले ललितपुरमा बिज्ञहरुसंगका छलफल गरेको थियो भने बिज्ञहरुबाट कार्यपत्र प्रस्तुत गरिएको थियो। हरेक बर्ष अक्टोबर महिनाको पहिलो सोमबार विश्वभर नै बसोबास दिवस मनाउने गरिन्छ । विश्व वसोवास दिवस २०७८ मूल समितिका संयोजक एवं शहरी बिकास मन्त्रालयका प्रवक्ता विष्णुप्रसाद शर्माले सन २०१५ को जलवायु परिवर्तन सम्बन्धी पेरिस समझौता अनुसार कार्वन उत्सर्जन घटाई जलवायु परिवर्तन निर्धारित सीमाभित्र राख्नका लागि शहरी व्यवस्थापन मूख्य चूनौति रहेकाले यसमा बिशेष ध्यान दिन जरुरी रहेको बताउनुभयो । तीव्र रुपमा भइरहेका शहरीकरणका कारण कार्वन उत्सर्जन बढ्न जाने खतरा भइरहेका व्यवस्थीत शहरीकरणको खाँचो रहेको उहाको भनाई छ । शहरी क्षेत्रमा बढ्दै गएको जनघनत्वका कारण देखापरेका समस्या र चुनौति तथा तीब्र शहरीकरणले शहरी आवागमनमा पारेको समस्या समाधान गर्न जनचेतना जगाउने उद्देश्यले यो दिवस मनाउन थालिएको हो ।