काठमाडौं, 21 अप्रैल 2023
नेकपा एकीकृत समाजवादीका नेता एवं पूर्वप्रधानमन्त्री झलनाथ खनालले कोदोले सुगर र प्रेसर कम गर्ने बताएका छन्। शुक्रबार काठमाडौंमा आयोजित नेसनल नर्सिङ कन्फ्रेन्सलाई सम्बोधन गर्दै उनले कोदो बहुगुणी भएकाले कोदो खान र उत्पदान गर्न सुझाव दिएका छन् । उनले आफूले पनि पछिल्लो समय कोदोको सेवन धेरै गरेको भन्दै अहिले सुगर र प्रेसर हराएको बताए । नेता खनालले कोदोको सेवनले गर्दा आफू अहिले म्याराथनमा दौडिन पनि सक्षम र बलवान भएको उल्लेख गरे। हरेक कुरालाई पराजित गर्नको लागि आत्मविश्वासको आवश्यक्ता रहेको खनालको भनाइ थियो।
उनले भने, ‘मैले आफैँले भोगेको कुरा भन्ने हो भने प्रेसर र सुगर भएका रोगीहरुले कोदो खायो भने कम हुन्छ। मेरो पनि अलिअलि प्रेसर थियो, अहिले केही पनि छैन। मेरो स्वास्थ्य पहिलाभन्दा धेरै राम्रो छ। म अहिले म्याराथनमा जाऔँ भनेपनि तयार भनेको जस्तो छु।’
