नयाँ दिल्ली, 27 मार्च
कोरोना महामारीका कारण विश्वभर ज्यान गुमाउनेको संख्या 26 हजार 350 पुगेको छ । विश्वका 199 देशहरु कोरोना महामारीका कारण प्रभावित भएका छन । अहिलेसम्म संक्रमित हुनेको संख्या 5 लाख 72 हजार 760 पुगेको छ । अहिले यस भाइरसबाट संक्रमित हुने विरामीको संख्या 4 लाख 16 हजार 461 रहेको छ । त्यसमध्ये 3 लाख 94 हजार 925 जनाको अवस्था मध्यम छ भने 21 बजार 536 जनाको अवस्था गम्भीर रहेको छ ।
नेपालमा अहिलेसम्म 4 जनामा कोरोना भाईरसको संक्रमण पुष्टि भएको छ । सूदुरपश्चिमको धनगढीमा थप एक जनामा संक्रमण देखिएपछि नेपालमा कोरोमा भाइरस संक्रमितहरूको संख्या 4 पुगेको हो। स्वास्थ्य मन्त्रालयले शुक्रबार बताएअनुसार 4 जना मध्ये 1 जना उपचारपछि घर फिर्ता भएका छन । आर्कोतर्फ भारतमा भने अहिलेसम्म 863 जना संक्रमित भएका छन । भारतमा ज्यान गुमाउनेको संख्या 20 पुगेको छ । भारतमा उपचारपछि 73 जना सञ्चो भएका छन । कोरोना महामारीका कारण सबैभन्दा धेरै इटलीमा प्रभावित भएका छन । इटलीमा अहिलेसम्म 8 हजार 215 जनाको मृत्यु भएको छ भने 80 हजार 589 संक्रमित छन । त्यहाँ 10 हजार 361 जना सञ्चो भएका छन । त्यसैगरि इटलीपछि स्पेनमा अहिलेसम्म 4 हजार 858 जनाले ज्यान गुमाएका छन भने 64 हजार 59 जना संक्रमित भएका छन । यहाँ उपचारपछि 9 हजार 357 जना सञ्चो भएका छन । अमेरिकामा अहिलेसम्म 1 हजार 307 जनाको कोरोनाको कारण ज्यान गएको छ भने 85 हजार 907 जना संक्रमित भएका छन । इरानमा 2 हजार 378 जनाको मृत्यु भएको छ भने 32 हजार 332 जना संक्रमित छन । फ्रान्समा 1 हजार 696 जनाको ज्यान गएको छ भने 29 हजार 155 जना संक्रमित भएका छन । ब्रिटेनमा 759 जनाको मृत्यु भएको ठ भने 14 हजार 579 जना संक्रमित छन । नेदरल्याण्डमा 546 जनाको मृत्यु भएको छ भने 8 हजार 603 जना यसबाट संक्रमित भएका छन । यस भाइरसको शुरुवात भएको चीनमा भने अहिलेसम्म 3 बजार 292 जनाको मृत्यु भएको छ भने 81 हजार 340 जना संक्रमित भएका छन ।
