नयाँ दिल्ली, 26 मार्च 2020
कोरोना भाईरस महामारीका कारण भारत पूर्ण लक डाउन भएपछि फसेका नेपालीहरु अन्ततः ज्यानको बाजी लगाएर पनि स्वदेश पुग्ने प्रयास गरिरहेका छन्। यही क्रममा भारतको राजधानी दिल्लीबाट पैदल हिँडेर नेपान जान निस्केका नेपालीहरु गड्डाचौकी भन्सारभन्दा करिब 2 सय किलोमिटरको वरै रुद्रपुर पुगेका छन्। करिब 14 जनाको संख्यामा रहेका उनिहरु लक डाउनपछि दिल्लीको आनन्द विहार बस अड्डामा अलपत्र परेका थिए। लक डाउनका कारण दिल्लीमा खान बस्नको पनि समस्या मानेपछि उनिहरु पैदलै हिँडेर घरतर्फ लागेका थिए।
उनिहरु हिजो उत्तर प्रदेशको गाजियाबाद पुगेपछि एक भारतीय टेलिभिजन ए.बी.पी. लाईवले उनिहरुको समस्या उठान गरेको थियो। त्यसपछि दिल्लीमा बस्ने प्रवासी नेपालीका साथै दिल्लीस्थित नेपाली दूतावास र केही प्रवासी संगठनहरु उद्दारका लागि सक्रीय भएका थिए। तर उनिहरुको खोज खबर गर्दासम्म उनिहरु रुद्रपुर पुगिसकेपछि सम्पर्कमा आएको प्रवासी नेपाली समाज भारतमा आर.बी. खड्काले बताउनुभयो। आर.बी. खड्काका अनुसार महाराष्ट्रबाट दिल्ली हुँदै महेन्द्रनगर जाँदै गरेका 6 जना र हैदराबादबाट हिँडेका 5 जना एउटा दूधे बालकसहितल एक महिला आज रुद्रपुर पुगेका हुन। उनिहरु अस्ती 3 बस गरेर 215 जनालाई नेपाल पठाउँदा छुटेका हुन। उनिहरु दिल्लीमा रहेका आफन्त कहाँ बस्न भनेर हिँडेको भएपनि पछि त्यहाँ पनि बस्ने वातावारण नबनेपछि फर्किएर आनन्द बिहार बसअड्डा आएको तर त्यहाँ पनि पुलिसले भगाए पछि हिँडेर घर जान लागेको खड्काले बताउनुभयो। उहाँले अहिले ती पैदल यात्रु नेपालीहरुसँग सम्पर्क भएको र नेपालको सीमा पनि लक डाउन गरिएको अवस्थामा उनिहरुलाई स्थानिय प्रशासनसँगको प्रयासमा खाने व्यवस्था गरेको बताउनुभयो। उनिहरुलाई अहिलेको अवस्थामा नेपाल नगएर त्यहीँ बस्न आग्रह गरेपनि उनिहरु नमानेको खडकाले बताउनुभयो।
उहाँले लकडाउनपछि दिल्लीमा मात्रै 2 सयभन्दा धेरै नेपालीहरु अस्थायी शिविरमा बसेको र भारतका अन्य विभिन्न ठाँउमा उपचार गर्न आएका, घुम्न आएका र तीर्थ यात्रामा आएका करिब 3 सय नेपालीहरु फसेको पनि उहाँले बताउनु भएको छ।