काठमाडौं, 23 दिसम्बर 2021
नेकपा एमालेका महासचिव शंकर पोखरेलले जनादेशलाई खण्डित पार्ने काम माधव नेपाल र प्रचण्डले गरेकाले एमालेले ताजा जनादेशको कुरा उठाएको बताउनुभएको छ । अखिल नेपाल किसान महासंघ राष्ट्रिय समितिको दोश्रो पूर्ण बैठकलाई बिहीबार काठमाडौंमा सम्बोधन गर्दै पोखरेलले ५ बर्ष काम गर्न पाएको जनादेशलाई खण्डित पार्न खोजेकाले संसद बिघटन गरि ताजा जनादेशमा जान खोजे पनि अवरोध सिर्जना गरेको बताउनुभयो । अहिले पनि ताजा जनादेशमाथि प्रहार भएको भन्दै ताजा जनादेशलाई निरंकुश भन्नु उचित नभएको उहाको भनाई छ । पोखरेलले ताजा जनादेशमा जानु लोकतन्त्र बिरोधी नभएको तर्क गर्नुभयो । उहाले संगठनात्मक अराजकतालाई चिर्नका लागि बलिया पार्टी बनाउनुपर्ने धारणा राख्नुभयो । उहालेलाई अनुशाशित पार्टी बनाउदैं देशको ठूलो पार्टी निर्माण गर्नुपर्ने उल्लेख गर्नुभयो ।
