नयाँ दिल्ली, 13 मार्च 2020
गृहमन्त्री अमित शाहले गंगा बिना भारतको आध्यात्मिकता, ज्ञान, संस्कृति तथा अर्थव्यवस्थाको इतिहास लेख्न नसकिने बताउनुभएको छ। आज नयाँ दिल्लीमा गंगा आमन्त्रण अभियानको उद्घाटन समारोहलाई सम्बोधन गर्दै उहाँले भारतले विश्वलाई भाषा, विज्ञान, धार्मिक अनुसन्धान, आध्यात्मिकता तथा मूल्यसँग सम्बन्धित सबैभन्दा अधिक ज्ञान दिएको र गंगा यसको प्रतीक भएको बताउनुभयो। उहाँले गंगाको जस्तो श्रद्धा, विश्वमा कुनै अन्य नदीको नभएको बताउनुभयो।
गृहमन्त्री शाहले 2014 मा प्रधानमन्त्री नरेन्द्र मोदीको नेतृत्वमा सरकार गठन भएपश्चात् नमामि गंगे अभियान शुरू गरिएको बताउनुभयो। उहाँले यो केवल ढाँचागत विकास वा जल प्रबन्धन वा जल मार्गहरूको निर्माणको लागि अभियान नभएर गंगा फेरी प्रदूषित नहोस् र नदीको अविरल धारा सदैब बनिरहोस् भन्ने संस्कार देशमा दिनका लागि गरिएको अभियान भएको बताउनुभयो।
