गुजरात, 9 मार्च, टंक दाहाल
गुजरातमा प्रवासी नेपाली संघ भारत वापी नगर समितिको आयोजनामा आइतवार ११० औं अन्तर्राष्ट्रिय महिला दिवस मनाइएको छ। बिना काउछाले अध्यक्षता गर्नुभएको कार्यक्रममा प्रमुख अतिथि केन्द्रीय महासचिव डम्बर रावल रहनुभएको थियो । महान शहीदहरु प्रति १ मिनेटको मौन धारण र त्यसपछि राष्ट्रीय गानका गाएर शुरु गरिएको कार्यक्रममा प्रमुख अतिथि डम्बर रावलले महिलाहरुको हक अधिकारका लागि प्रवासी नेपाली संघ भारत लागी पर्ने र महिलाहरुको मिहनत र योग्यताका कारण आज महिलाहरु विश्वभरिनै उच्च पदमा रहेको बताउनुभयो । उहाँले अहिले नारी-पुरुष बीचको असमानता हट्दै गएको र महिलाहरु पनि विभिन्न स्थानहरुमा नेतृत्व गर्ने स्थानसम्म पुगिरहेको बताउनुभयो ।

उर्मिला रावलले सञ्चालन गरेको कार्यक्रममा मान बहादुर रावलले स्वागत भाषण गर्नु भएको थियो । वापी (पश्चिम) कृष्ण कुँवरको विशेष अतिथ्यता रहेको कार्यक्रममा महाराष्ट्र गुजरात संयुक्त राज्य समिति सदस्यहरु हरि महर, कमल धामीका साथै महिला अतिथिहरु बिमला खत्री, दिब्या जोशी, लक्ष्मी कुँवर, लता रैकाल, पवन खड्का उपस्थित हुनुहुन्थ्यो । नगर समितिका अतिथिहरु मदन बिक , तेज रैकाल , निखिल रावत, देवराज जोशी, हरि सिंह काउछा, देबेन्द्र रावल, शेर बहादुर कुँवर, राम बोहरा रहेका थिए। कार्यक्रममा कुर्सी खेलसँगै देउडा खेलेर कार्यक्रमको समापन गरिएको थियो । कार्यक्रममा महिला दिदि बहिनीहरुका लागी खाजाको पनि ब्यबस्था गरिएको थियो ।
पत्रकार टंक दाहाल सहित निष्पक्ष जनसंसारका राजभान सिंह लगायत पनि कार्यक्रममा उपस्थित रहनु भएको थियो ।