नयाँ दिल्ली, 13 मार्च 2020
गोर्खा जनमुक्ति मोर्चाको एक टोलीले आज दिल्लीमा भारत सरकारको केन्द्रीय गृह राज्यमन्त्री जी. किशन रेड्डीलाई भेटेर भाजपाको संकल्प पत्रमा उल्लेखित दुईवटा मुख्य बुँदाहरु “स्थायी राजनैतिक समाधान” अनि “११ जातलाई जनजातिको मान्यता प्रदान” गर्ने विषयलाई चाँड़ोभन्दा चाँड़ो सम्बोधन गरिनुपर्ने विषयमा एक ज्ञापन-पत्र बुझाएको छ। भेटवार्तामा मन्त्रीले यस विषयमा गृहमन्त्री अमित शाहसँग कुरा गरि चाँड़ै यसको समाधानतर्फ जाने टोलीलाई जानकारी गराउनुभएको छ । भेटका क्रममा उहाँले केन्द्र सरकार गोर्खाहरुको साथमा रहेको टोलीलाई आश्वासन दिनुभएको छ। यस टोलीको अगुवाई क्षेत्रीय सांसदको उपस्थितिमा गोर्खा जनमुक्ति मोर्चा कार्यकारी अध्यक्ष डा. लोपसाङ लामाले गर्नुभएको थियो। टोलीमा डा. बिनु सुन्दास, लिला कुमार गुरुङ, अनिल लोप्चन रहेको जानकारी डा. लोपसाङ लामाले प्रेसलाई जानकारी गराउनुभयो ।
