दिल्ली, 15 जुलाई 2022
चरम आर्थिक र राजनीतिक संकटबाट गुज्रिरहेको श्रीलंकाले सात दिनभित्र नयाँ राष्ट्रपति पाउने भएको छ । संसदका सभामुख महिन्दा यापा अभयवर्धनेले शुक्रबार यस्तो घोषणा गरेका हुन् । गोटाबाया राजापाक्षेले बिहीबार कानुनी रूपमा राष्ट्रपति पदबाट राजीनामा दिएको उनले बताए। अभयवर्धनेले राष्ट्रपति निर्वाचनको प्रक्रियामा सहभागी हुनका लागि सांसदहरुले शान्तिपूर्ण वातावरण कायम गर्न देशवासीलाई अपिल गरेका छन् । राष्ट्रपतिको निर्वाचन जुलाई २२ गते तोकिएको छ ।यसै क्रममा श्रीलंकाबाट भागेर माल्दिभ्स पुगेका पूर्वराष्ट्रपति गोटाबाया राजपाक्षे अहिले सिंगापुर पुगेका छन् ।
