दिल्ली, 4 सितम्बर 2021

भारतको जयनगर बजार नजिक एक नेपाली युवकको शव भेटिएको छ। नेपालको सिरहा-सँग जोडिएको, भारतको बिहारको मधुवनी जिल्ला,  अन्तर्गत जयनगर नजिकै एक नेपाली युवकको घाँटी रेटिएको अवस्थामा शव फेला परेको  हो। घाँटी रेटिएसंगै शरीरका विभिन्न भागमा चोट लागेको अवस्थामा पानीमा शव फेला परेको बताईएको छ। शव सिरहाको गोलबजार नगरपालिका–4 निपनियाँका 40 वर्षीय, दुखरण महराको रहेको प्रहरीले जनाएको छ । प्रहरीका अनुसार महराको शव जयनगरकै एक अस्पतालमा राखिएको छ। पारिवारिक स्रोतका अनुसार महरा बिहीबार मोटरसाइकल किन्न भनेर निस्किएका थिए । मोटर-साइकल किन्ने विषयमा मृतक र उनकी आमाबीच विवाद समेत भएको बताइएको छ । शनिबार विहान वेवारिसे अवस्थामा भारतीय प्रहरीले जयनगर नजिकै शव भेटेको थियो । मृतकको पकेटमा रहेको डायरीमा लेखिएको फोन नम्बरका आधारमा नेपाली रहेको पुष्टि भएपछि नेपाल प्रहरीसँग समन्वय गरेर परिवारलाई बताइएको हो ।