काठमाडौं, 18 मई 2022
चाँगुनारायण नगरपालिकाको प्रमुखमा नेपाली कांग्रेसका उम्मेदवार जीवन खत्री विजयी हुनुभएको छ । एमालेका बिणा बाँस्तोलालाई झिनो मतान्तरले पराजित गर्दै उहा बिजयी हुनुभएको हो । खत्री नौ हजार ५५० मत प्राप्त गरी विजयी हुनुभयो भने उहाका निकटतम् प्रतिद्वन्द्वी एमालेका उम्मेदवार बाँस्तोलाले नौ हजार १६० मत प्राप्त गर्नुभयो । त्यसैगरी उपमेयरमा एमालेका रमेश बुढाथोकी विजयी हुनुभएको छ । बुढाथोकी ११ हजार १०७ मत प्राप्त गर्नुभयो भने सुभद्रा काफ्लेले नौ हजार ६७ मत प्राप्त गर्नुभयो । बिजयी भएपछि खत्रीले सामान्य जनजिविकाका कुराहरुलाई स्म्बोधन गर्दै आफुले काम सुरु गर्ने बताउनुभयो । त्यस्तै चाँगुनारायण नगरपालिकाको वडाध्यक्षमा वडा नं १ मा कांग्रेसका सिजन कार्की, २ मा कांग्रेसकै सोम प्रधान, ३ मा एमालेका श्यामसुन्दर धिमाल, ४ मा एमालेका रोजबहादुर तामाङ, ५ मा कांग्रेसका जयन्द्र खड्का, ६ मा राप्रपाका धनबहादुर लामा, ७ मा राप्रपाका श्याम नायजू श्रेष्ठ, ८ मा कांग्रेसका जनक खत्री र ९ मा नेमकिपाका गणेश त्यात विजयी हुनुभएको छ ।
