चीन, 24 जनवरी
चीनमा एक नेपाली युवाको शब अलपत्र अवस्थामा रहेको उनका दोलखा बस्ने आफन्तले बताएका छन् ।
चीनको हेबेई प्रान्तस्थित वुहानमा मृत्यु भएका दोलखाका पुस्कर खड्काको शब अलपत्र परेको उनका आफन्त धनबहादुर कार्कीले बताएको कान्तिपुर दैनिकमा समाचार छ ।
उनको शब नेपाल फिर्ताका लागि ठूलो रकम लाग्ने भएकाले नेपाल फर्काउन समस्या भएको बताइएको छ ।
उनको शब नेपाल फर्काउनका लागि आवस्यक रकम जुटाउन नेपालस्थित जिम्मेवार निकाय र बेइजिङस्थित नेपाली दूतावासमार्फत् पहल भइरहेको बताइएको छ ।
कोरोना भाइरसका कारण बुहानका सबैजसो क्षेत्र बन्द रहेका कारण पनि उनको शब फर्काउन समस्या परेको बेइजिङस्थित नेपाली दूतावासले जनाएको छ ।
एक दशक देखि चीनमा कार्यरत ४० वर्षीय खड्का बसेकै होटलमा आइतबार राति निधन भएको थियो । उनी भारतीय रेष्टुरेण्टमा कार्यरत थिए । अस्पतालको प्रारम्भिक रिर्पोटमा उनको मृत्युको कारण कोरोना नभएर अन्य रहेको बताइएको छ ।
