चीनको भ्रमणमा रहेका उपप्रधानमन्त्री श्रेष्ठको स्वास्थमा सुधार
काठमाडौं, 19 अक्टोबर 2023
जनवादी गणतन्त्र चीनको भ्रमणमा रहेका उपप्रधानमन्त्री एवं गृहमन्त्री नारायणकाजी श्रेष्ठ अस्वस्थ भएपछि अस्पताल भर्ना भएका छन् ।
छातीमा समस्या देखिएपछि उपप्रधानमन्त्री श्रेष्ठ बेइजिङस्थित पेकिङ युनियन मेडिकल कलेजमा भर्ना भएको उनका स्वकीय सचिव सुरेशकाजी श्रेष्ठले जानकारी दिए । उपप्रधानमन्त्री श्रेष्ठलाई सामान्य खालको हृदयाघात भएको बताइएको छ । उनको छातीमा स्टेन्ट राखिएको थियो । उपप्रधानमन्त्री श्रेष्ठ चिनियाँ समकक्षीको निमन्त्रणमा चीन भ्रमणमा गएका थिए ।
चीनमा हृदयाघात भएर अस्पताल भर्ना भएका उपप्रधानमन्त्री तथा गृहमन्त्री नारायणकाजी श्रेष्ठको स्वास्थमा सुधार आएको छ ।
स्वास्थ्यमा असहज भएपछि अस्पताल भर्ना भएका मन्त्री श्रेष्ठलाई माइल्ड हर्टअट्याक भएको कारण अस्पताल भर्ना गरीएको थियो । श्रेष्ठका स्वकिय सचिव सुमन आचार्यका अनुसार उनको स्वास्थमा सुधार आएको छ । श्रेष्ठ बीआरईको कार्यक्रमका लागि तीनदिन देखी बेइजिङमा रहेका छन् ।
