नयाँ दिल्ली/डेस्क, 29 जनवरी
चीनमा हावाको गतिमा फैलिरहेको कोरोना भाईरसका कारण 20 दिनमा 132 जनाको मृत्यु भएको छ भने करिब 6 हजार मानिसहरु यसबाट संक्रमित भएका छन । चिनिया स्वास्थ्य अधिकारीहरुले बुधवार दिएको जानकारीका अनुसार कोरोना भाईरसका कारण 132 जनाको मृत्यु भएको र 5 हजार 9 सय 74 जना यसबाट संक्रमित भएका छन । कयौं मानिसहरुको परीक्षण हुन नसकेकाले अझै धेरै मानिसहरुमा कोरोनाको संक्रमण भएको हुन सक्ने प्रकोपको अध्ययनले देखाएको छ । कोरोना भाईरसको उपचार पत्तो नलागेका कारण ज्यान गुमाउनेको संख्या लगातार बढिरहेको छ । यद्धपी अमेरिकाले भने यो रोगको रोकथामका लागि एक खोपको विकसित गरेको भनेको छ । चीनको हुबेई प्रान्तको वुहानबाट शुरु भएको कोरोनाको प्रकोप स्वायत्त क्षेत्र तिब्बत छाडेर प्राय सबै क्षेत्रमा फैलिएको छ । 1 महिनामै यो संक्रमण युरोप, उत्तर अमेरिका र एशिया प्रशान्तमा पुगिसकेकाले वैश्विक चुनौतिका रुपमा देखा परेको छ । कोरोना भाइसरको संक्रमण भएका बेला ज्वरो आउने, खोकी लाग्ने र श्वास लिन कठिनाई हुने गर्दछ । कोरोना भाइरसको घटना भारत सहित एक घटना नेपालमा भेटिएको छ भने एक घटना श्रीलंकामा पनि भेटिएको छ । विभिन्न देशहरुले कोरोना भाईरसको रोकथाम स्वरुप विमानस्थलमा चीनबाट आउने मानिसहरुको स्वास्थ्य परीक्षण गरिरहेका छन ।
