नयाँ दिल्ली, 25 नोवेम्बर 2020
भारतको चेन्नईमा रोजगारीका लागि गएका एक 36 वर्षीय नेपाली युवक सम्पर्कविहीन भएपछि नेपालमा रहेको उनको परिवारले खोजिदिन सम्पूर्णमा आग्रह गरेको छ। बागलुङको वडा नम्बर 14 स्थायी घर भएका भूपेन्द्र बहादुर जीसी गत 27 जनवरी 2020 बाट सम्पर्कविहीन छन। उनी सम्पर्कविहीन भएदेखि घरमा रहेकी उनकी आमा डम्मरा जीसीले रुदै आफ्नो छोरालाई खोजिदिन आग्रह गरेकी छन। जानकारीका अनुसार तस्वीरमा देखिएका भुपेन्द्र बहादुर 21 अगस्त 2019 मा रोजगारीका लागि चेन्नई आएका थिए। परिवारले बताए अनुसार उनि एक होटलमा खाना पकाउने काम गर्थे। त्यसयता घरको सम्पर्कमै रहेका भूपेन्द्र बहादुर गए 27 जनवरी अर्थात माघ 13 गतेबाट सम्पर्कविहीन भएका हुन। उनको घरमा आमा, श्रीमति, 1 छोरी र 2 छोराहरु रहेका छन। नेशनल लाईभ टीभीलाई धेरै प्रवासी नेपालीहरुले हेर्ने भएको भन्दै उनकी आमाले छोरालाई देखेमा घरसम्म फर्काइदिन विनम्र अनुरोध गरेकी छन। तस्वीरमा देखिएका भूपेन्द्र बहादुरलाई तपाईहरुले कतै देख्नु भएको छ भने नेशनल लाईभ मार्फत परिवारलाई भेटाइदिन हामी पनि विशेष आग्रह गर्दछौं।
