काठमाडौं, 14 फरवरी 2023
नेकपा एमालेका महासचिव शंकर पोखरेलले भारतले ७२ सालमा लगाएको नाकाबन्दी पार्टी अध्यक्ष केपी शर्मा ओलीले असफल बनाएको दाबी गरेका छन् । अनेरास्ववियुको २३ औं राष्ट्रिय महाधिवेशनको उद्घाटन कार्यक्रमलाई सम्बोधन गर्दै उनले उक्त कुरा गरेका हुन्। महासचिव पोखरेलले ओलीको नेतृत्वमा विकास र समृद्धिको लागि अगुवाइ गरेको बताए ।
पोखरेलले भने, ‘देशको स्वाधीनता र राष्ट्रिय हितको प्रश्नमा भारतीय नाकाबन्दीलाई असफल बनाउने नेतृत्व हाम्रो पार्टी अध्यक्षले गर्नुभयो । नेपालको राजनीतिमा अराजतकता छ । राजनीतिलाई परिवर्तनअनुसार अगाडि बढाउने हो भने हामीले अवसरवादमाथि विजयी हासिल गर्नुपर्छ ।’
गठबन्धन भत्काएर नयाँ सरकार बनेपछि जनतामा आशाको सञ्चार भएको बताए ।
‘पाँचदलीय गठबन्धनले बहुमत ल्याउन सकेन । हामीले सोचेजस्तो मत नल्याएपछि कमजोर भएनौं। चौतर्फि घेराबन्दीका बीचमा पनि हामी पहिलो लोकप्रिय पार्टी हौं’ उनले भनेका छन् ।
