काठमाण्डौँ 24 फरवरी 2020
शिक्षा, विज्ञान तथा प्रविधिमन्त्री गिरिराजमणि पोखरेलले जनयुद्धमा घाइते र अपाङ्गता भएका व्यक्तिहरुलाई सीप सिकाउन प्राविधिक शिक्षा तथा व्यवसायीक तालिम परिषद (सीटीईभीटी) लाई निर्देशन दिनुभएको छ। सीटीईभीटी-को ३२ औँ वार्षिकोत्सव समारोहलाई सम्बोधन गर्दै मन्त्री पाखरेलले रोजगारीको ग्यारेन्टीका साथ जनयुद्ध, मधेश आन्दोलन, थारु जनजाती आन्दोलनका घाइते तथा अपाङ्गता भएका व्यक्तिहरुलाई सीप सिकाउन निर्देशन दिनुभएको हो। सीटीईभीटी-को गति बदल्दै शिक्षक उत्पादन, प्रयोगशाला निर्माण र सीप परीक्षण लगायतका कुरामा नयाँ ढंगले सोच्न निर्देशन दिनुभयो। सीटीईभीटी जागिर खुवाउने ठाउँ नभएर सीप र चरित्र सिकाउने ठाउँ भएको उहाँले बताउनुभयो। सीटीईभीटी-को पुरानो परिचय बदलेर अगाडी बढ्नुपर्ने उल्लेख गर्दै पोखरेलले त्यसका लागि आफु जस्तो सुकै सहयोग गर्न तयार रहेको बताउनुभयो।
अबको २५ वर्षमा आइसीटी क्षेत्रको जनशक्ति अभाव हुने विभिन्न तथ्याङ्कहरुले देखाएको भन्दै पाखरेलले रैथाने सीप र आधुनिक सीपलाई सँगै अगाडी बढाउनुपर्ने अवश्यकता औल्याउनुभयो। सीटीईभीटी उच्चस्तरिय जनशक्ति उत्पादनतर्फ नगएको उल्लेख गर्दै उहाँले सधै सीएमए र अनमी उत्पादन गर्न नसकिने बताउनुभयो।
सीटीईभीटीले ३२ औँ वार्षिकोत्सव मनाइरहँदा मन्त्री पोखरेलले प्रयोशाला अभाव र शिक्षकहरुको अभाव रहेको स्वीकार गर्दै गुणात्मक जनशक्ति उत्पादनमा जोड दिन आग्रह गर्नुभएको थियो।
