काठमाडौँ, २७ फरवरी, २०२०
नायिका प्रियंका कार्कीको आज जन्मदिन हो । नायिका कार्कीको यस बैबाहिक जीवनमा प्रवेश गर्ने तयारीमा छिन् । नायिका कार्कीको बिहेका विभिन्न कार्यक्रम केही दिनदेखि काठमाण्डौको एक होटलमा चलिरहेको छ । मेहेन्दी, संगीत समारोह आयोजना भैसकेका छन् ।
यस्तै, नायिका कार्कीको बिहेको मुख्य कार्यक्रम भने भोली आयोजना गरिएको छ । भोली बिहेको मुख्य कार्यक्रमसँगै पार्टीको समेत आयोजना गरिएको छ ।
नायक आयुष्मान देशराज जोशीसँग केही बर्ष प्रेममा रहेपछि नायिका कार्कीले बिहे गर्ने निर्णय गरेकी हुन् । आयुष्मान र प्रियंकाले बिहेकालाई भव्यता दिनका लागि कुनै कसर बाँकी राखेका छैनन् । नायिका कार्की र नायक देशराजले ब्याचलर पार्टी दिएसँगै बिहेको कार्यक्रम सुरु गरेका थिए ।
