जर्मनी, 27 सितम्बर 2021
जर्मनीमा आईतबार सम्पन्न भएको आम निर्वाचनमा विपक्षी दल सोसल डेमोक्रेट्स पार्टीको विजयसंगै एन्जेला मर्केल युगको अन्त्य भएको छ। एन्जेला मर्केलको चान्सलर पदको त्यागपछि जर्मनीमा नयाँ चान्सलरका लागि मतदान गरिएको थियो। 16 वर्षसम्म शासन चलाएकी चान्सलर मर्कलको कन्जर्भेटिभ CDU / CSU गठबन्धन चुनावमा पराजित भएको छ । निर्वाचनको परिणाम अनुसार विपक्षी वामपन्थी पार्टी एसडीपीले २५.७ प्रतिशत मत हात पार्दा सत्तारुढ दल सीडीयु/सीएसयुले २४.१ प्रतिशत मत प्राप्त गरेको हो। त्यस्तै त्यहाँको ग्रिन पार्टी १४.८ प्रतिशत मत हात पार्दै तेस्रो भएको छ। अब सत्ता सञ्चालनका लागि गठबन्धन निर्माण गर्न आवश्यक रहेको छ। एसडीपीका नेता ओलाफ शोल्जको नाम चान्सलर पदका लागि सबै भन्दा अगाडी रहेको छ। एन्जेला मोर्केल 2005 मा चान्सलर बन्नु भएको थियो। उहाँले जर्मनीमा 16 बर्षसम्म शासन गर्नुभएको थियो। यसैक्रममा उहाँलाई विश्वको सबै भन्दा शक्तिशाली महिला, शासक भन्नु भएको थियो।
