जाजरकोटमा भूकम्पको क्षतिप्रति भारतीय प्रधानमन्त्रीद्वारा दुःख व्यक्त
काठमाडौं, 4 नोभेम्बर 2023
भारतीय प्रधानमन्त्री नरेन्द्र मोदीले जाजरकोटमा गएको भूकम्पको क्षतिप्रति दुःख व्यक्त गरेका छन्।
प्रधानमन्त्री मोदीले भारत नेपाली जनताको दुःखको बेला साथमा रहेको पनि बताएका छन्। ‘हरसम्भव सहयोग गर्ने तयार छौ’, उनले भनेका छन्।
शुक्रबार राति ११ बजेर ४७ मिनेटमा जाजरकोटको रामीडाँडालाई केन्द्रबिन्दु बनाएर गएको ६ दशमलव ४ रेक्टरको भूकम्पले पुर्याएको मानविय तथा भौतिक क्षतिप्रति दुःख व्यक्त गर्दै उनले नेपाली जनताको साथमा रहेको र सहयोग गर्न तयार रहेको समेत बताएका छन् ।
भूकम्पका कारण जाजरकोट र रुकुमपश्चिममा गरी हालसम्म १२८ जनाको मृत्यु भएको छ । साथै १४० जना घाईते भएको प्रहरीले जनाएको छ ।
प्रधानमन्त्री मोदीले मृतकप्रति श्रद्धाञ्जली अर्पण गर्दै घाइतेहरुको शीघ्र स्वास्थ्य लाभको कामना पनि गरेका छन्।
जाजरकोट भूकम्प : जाजरकोटमा ९२ र रुकुमपश्मिमा ३७ जना गरी १२८ जनाको मृत्यु
