जाजरकोट र रुकुम पश्चिमका भूकम्प पीडितका लागि शिव परियारले गरे ५० हजार सहयोग
काठमाडौं,14 नोभेम्बर 2023
गायक शिव परियारले जाजरकोट र रुकुम पश्चिमका भूकम्प पीडितका लागि ५० हजार रुपैयाँ सहयोग गरेका छन् ।
क्यानडास्थित नेपाली संस्था नेप्लिज क्यानेडियन कम्युनिटी सर्भिस (एनसीसीएस)को अभियानमार्फत सहयोग रकम हस्तान्तरण गरेको सामाजिक सञ्जालमार्फत जानकारी दिएका छन्
‘नेपालको पश्चिमी क्षेत्र जाजरकोटमा गएको विनाशकारी भूकम्पमा परी जनधनको क्षति व्यहोरिरहनुभएका नेपाली दाजुभाइ–दिदीबहिनीको पीडामा मल्हम लगाउन सकुँ भनि म गायक शिव परियार सहयोग स्वरूप नेपाली ५० हजार रूपैयाँ सहयोग गर्दछु’ उनले लेखेका छन् ।
गत कात्तिक १७ गते जाजरकोट केन्द्रविन्दु भएर गएको भूकम्पमा परेर १५४ जनाको मृत्यु भएको थियो भने दर्जनौं घाइते छन् । विभिन्न व्यक्ति र संघसंस्थाले समेत भूकम्प पीडितका लागि राहत संकलन तथा वितरण गरिरहेका छन् ।