नयाँदिल्ली, १ फेब्रुअरी
अब बल्ल जुर्ने भयो अभिनेत्री प्रियंका र अभिनेता आयुष्मानको विवाहको लगन ।
अभिनेत्री प्रियंका कार्की र अभिनेता आयुष्मान देशराज जोशीको विवाहको मिति तय भएको छ । उनीहरू यही फागुन १७ गते विवाह बन्धनमा बाँधिने भएका छन् ।
विवाहको लागी टिका टाला गरेको दुई वर्ष पछि उनीहरू को विवाहको मिति तोकिएको हो । एक पछि अर्को गर्दै तोकिएको विवाह मिति सार्दै आएका प्रियंका र आयुष्मानले आफ्नो र परिवारको ग्रह कमजोर भएको कारण उचित लगन जुराएर मात्र विवाह गर्ने योजना बनाएका थिए ।
केही दिन यता भने उनीहरु विवाहको मुडमा देखिएका छन् । विवाह हुने निश्चित भएपछि प्रियंका आफ्ना साथीहरुसँग ब्याचलर पार्टी मनाउन थाइल्यान्ड पुगेकी थिइन् । ज्योतिषीले ग्रहदशा रहेको बताएपछि विवाहको मिति सारेका प्रियंका र आयुष्मान अब भने सबै कुराको पार लगाउँदै यहि वर्षको फागुनमा लगन गाँठो कस्ने भएका छन् ।
