नयाँ दिल्ली, 14 जनवरी 2020
दिल्ली उच्च अदालतले जवाहर लाल नेहरू विश्वविद्यालय (जेएनयू)-मा भएको हिंसासित सम्बन्धीत सूचनाहरू दिल्ली पुलिसलाई उपलब्ध गराउन व्हाट्स एप र गूगललाई भनेको छ। अदालतले ती दुई व्हाट्स एप ग्रूपका सदस्यहरूद्वारा सुरूमा प्रयोग गरिएका मोबाइल फोन पनि जफत गर्न पुलिसलाई भनेको छ, जसको माध्यमबाट 5 जनवरीको हिंसाको घटना गराइएको थियो।
न्यायाधीश बृजेश सेठीले विश्वविद्यालयमा भएको हिंसाको सीसीटीवी फुटेज पुलिसलाई उपलब्ध गराउन पनि जेएनयू प्रशासनलाई निर्देशन दिनुभएको छ।
5 जनवरीमा लाठी, फलामको छडी र ढुङ्गा बोकेका नकाबधारी मानिसहरूको भिड जेएनयू परिसरमा प्रवेश गरेको थियो र तिनीहरूले तीन छात्राबासहरूमा विद्यार्थीहरूमाथि आक्रमण गरेका थिए भने सम्पत्तिहरूमा समेत नोकसान पुऱ्याएका थिए।
