ड्रीम गर्ल २ को ट्रेलर रिलिज,दोहोरो भूमिकामा आयुष्मान खुराना
दिल्ली, 2 अगस्ट 2023
आयुष्मान खुराना र अनन्या पाण्डे स्टारर फिल्म ‘ड्रीम गर्ल २’ को ट्रेलर सार्वजनिक भएको छ । यस फिल्ममा आयुष्मान खुराना दोहोरो भूमिकामा देखिनेछन् ।
फिल्ममा आयुष्मान पूजाका अलावा पुरुषको भूमिकामा पनि देखिँदैछन् । यो कमेडी ड्रामा फिल्म आगामी अगस्ट २५ मा हलमा रिलिज हुँदैछ । फिल्मका निर्देशक राज शाण्डिल्य हुन् ।
फिल्मको निर्माता एकता कपुरले फिल्मको ट्रेलर सामाजिक सञ्जालमा सेयर गरेकी छन् । ट्रेलर सेयर गर्दै उनले लेखेकी छन्– ‘ड्रीम गर्लको संसारमा आफ्नो सपनाको रानीको रमाइलो कथा हेर्न तयार हुनुहोस् ।’ यस्तै, आयुष्मान खुरानाले पनि सामाजिक सञ्जालमा ट्रेलर सेयर गर्दै लेखेका छन्– ‘म मेरो जीवनको सबैभन्दा खतरनाक प्रदर्शन दिनेछु, माया दिनुहोला ।’
ड्रीम गर्ल २०१९ को फिल्म ‘ड्रीम गर्ल’को सिक्वेल हो । फिल्ममा आयुष्मान खुराना, अनन्या पाण्डे, अन्नु कपूर, परेश रावल, असरानी, मनजोत सिंह, विजय राज र राजपाल यादव पनि देखिनेछन् । फिल्म २५ अगस्टमा रिलिज हुँदैछ ।
