तेहरान, 8 जनवरी 2020
ईरानको तेहरान विमानस्थल नजिक एक विमान दुर्घटनाग्रस्त हुँदा चालक दलका सदस्यसहित 176 यात्रुहरुको मृत्यु भएको छ । ईरानको सरकारी समाचार एजेंसी इरनाका अनुसार प्राविधिक खराबीका कारण यूक्रेनको बोइङ 737 विमान दुर्घटनाग्रस्त हुँदा विमानमा सवार सबै यात्रुहरु र चालक दलका सदस्यहरुको मृत्यु भएको हो ।
जानकारीका अनुसार सो विमान इमाम खुमेनेई अन्तर्राष्ट्रीय विमानस्थलदेखि यूक्रेनको राजधानी कीव गइरहेको थियो । विमानले उडान भरे लगत्तै सो विमानको एक इञ्जनमा आगलागि भएको थियो ।
ईरानका सडक परिवहन विभागका प्रवक्ताले विमानमा आगजनी भएपछि पाईलटले विमानबाट नियन्त्रण गुमाएको बताउनु भएको छ ।
दुर्घटनाग्रस्त विमानमा 167 यात्रुहरुसहित विभिन्न देशका 9 सदस्यहरु चालक दलमा शामेल रहेका थिए । ईरावका विदेशमन्त्रीका अनुसार विमानमा ईरानका 82, क्यानडाका 63, स्वीडेनका 10, ब्रिटेनका 3 अफगानिस्तानका 4 र जर्मनीका 3 नागरिक सवार रहेका थिए ।