दार्जिलिङ, २५ फरवरी, २०२० कयेश अंसारी
दार्जिलिङ पहाडमा २ दिनदेखि असिना पानी परेको छ । । सन्धकपुरमा हिजो बिहान हिँउ समेत परेको थियो । दार्जिलिङ पहाडको खरसाङ र डिलाराममा असिना पानीको कारणले सवारी साधन सन्चालनमा प्रभाव परेको छ ।
असिना र पानीको कारणले  मानिसहरु शहरसम्म पुग्न नसक्दा व्यवसायमा प्रभाव परेको स्थानिय सकील अहमदले बताउनु भएको छ ।
यो कुनै वर्षा र हिँउ पर्ने समय नभए पनि विगत २ दिनदेखि हिँउ पर्नुका साथै वर्षा र असिना परिरहेको छ । कोलकातास्थित २४ फरवरीदेखि २६ फरवरीसम्म पहाडमा असिना पानी पर्ने मौसम विभागले पूर्वानुमान गरेको थियो । पहाडमा परेको असिना, वर्षा र हिँउका कारण फेरी चिसो बढेको छ ।