नयाँ दिल्ली, खुम गुरुङ, 7 मई 2021
भारतको राजधानी दिल्लीमा पाल्पा घर भएका एक नेपालीको कोरोनाले निधन भएको छ । रामपुर नगरपालिका वडा नं 8 पाल्पाका 40 वर्षीय सुर्य बहादुर नमग्यली मगरको शुक्रबार राति 9 बजे निधन भएको हो ।
सूर्य बहादुर नमग्याली मगरलाई गत 27 अप्रेलदेखि हल्का ज्वरो आएको थियो । त्यसपछि उनले कोभिड चेक गराउँदा पोजिटिभ आएको थियो ।
उनलाई कोभिड पुष्टि भएपछि नरेलाको खेडाकाँलास्थित आफ्नै घरमा होम क्वारेन्टाइनमा रहेर उपचार गराईरहेका थिए ।
उपचारकै क्रममा गत 4 मईदेखि सूर्यलाई स्वास लिन अप्ठ्यारो भएपछि उनका जेठान छाम थापाले न्युट्रिसन,एयरप्युरी फयर, अक्सिजन लगायत औषधिहरु उपलब्ध गराएका थिए ।
जेठानका अनुसार उनलाई बचाउने ठूलो प्रयास गरिए पनि बचाउन सकेनौ, दु:ख लागेको छ ।
सुर्य बहादुर नमग्यली मगर एक नोबेल शीडस् कम्पनीमा कार्यरत थिए ।
