नयाँ दिल्ली, ७ जनवरी २०२०
दिल्लीमा विधानसभाको ७० सीटको लागि मतदान आगामी महिनाको ८ तारीकमा हुनेछ र मतगणना ११ फेब्रुअरीमा हुनेछ । यस महिनाको १४ तारीकमा अधिसुचना जारी हुनेछ र २१ जनवरीसम्म नामांकन पत्र बुझाउन सकिने जानकारी गराईएको छ ।
नयाँ दिल्लीमा हिजो प्रेस सम्मेलनलाई सम्बोधन गर्दै प्रमुख निर्वाचन आयुक्त सुनील अरोडाले आयोग स्वतन्त्र र निष्पक्ष मतदान गर्न प्रतिवद्ध रहेको बताउनु भयो । उहाँले शान्तिपूर्ण रुपमा निर्वाचन सम्पन्न गर्न ९० हजार सुरक्षाकर्मी परिचालन गरिने जानकारी दिनुभयो ।
राष्ट्रिय राजधानीमा १ करोड ८६ लाख मतदाताका लागि १३ हजार भन्दा बढी मतदान केन्द्र स्थापना गरिएको अरोडाले बताउनु भयो । वर्तमान विधानसभाको कार्यकाल २४ फेब्रुअरीमा समाप्त हुनेछ । २०१५ को विधानसभा चुनावमा आम पार्टीले ६७ सीट जितेको थियो। भारतीय जनता पार्टीले ३ सीट मात्र जितेको थियो भने काँग्रेस पार्टीले एउटा सीट पनि जित्न सकेको थिएन ।