नयाँ दिल्ली, 14 जनवरी 2020
दिल्ली विधानसभा निर्वाचनको लागि मङ्गलबार अधिसूचना जारी गरिएको छ, साथै नामाङ्कन दर्ता गर्ने प्रक्रिया पनि सुरू भएको छ। उम्मेदवारहरूले यस महिनाको 21 तारीखसम्म नामाङ्कन दर्ता गर्न सक्नेछन् र 22 जनवरीमा यसमाथि छानबिन हुनेछ। 24 जनवरीसम्म नामाङ्कन फिर्ता लिन सकिनेछ। 70 सदस्यीय विधानसभाको लागि 8 फरवरीमा मतदान हुनेछ भने 11 फरवरीमा मतगणना हुनेछ।
दिल्लीमा 80 लाख 55 हजार पुरूष तथा 66 लाखभन्दा बढी महिला मतदातासहित लगभग १ करोड 47 लाख मानिसहरूले मतदान गर्नेछन्। यो निर्वाचनमा सत्तारूढ आम आदमी पार्टी (आप), भारतीय जनता पार्टी (भाजपा) र काँग्रेस बीच त्रिकोणीय प्रतिस्पर्धा हुने सम्भावना छ।
2015-को विधानसभा निर्वाचनमा आम आदमी पार्टी (आप)-ले 67 तथा भारतीय जनता पार्टी (भाजपा)-ले 3 सिट जितेको थियो भने काँग्रेसलाई 1 सिट मात्र प्राप्त भएको थियो।
