काठमाडौं, 1 फरवरी 2022

नेपाल सरकारले एमसीसी पास गरे पछि त्यसको विरोध विदेशमा पनि देखा पर्न थालेको छ । प्रवासी नेपाली जनसमाज भारत केन्द्रीय समितिले नेपाली दूतावासमा एमसीसीको विरोधमा प्रदर्शन गरेको छ । नेशनल लाईभ टिभीलाई प्राप्त जानकारी अनुसार उक्त बिरोध रैलिमा go back  america / no mcc चाइदैंन देश बेच्न पाइदैन भन्ने जस्ता नारा गुन्जिएका थिए । नेपाली जनसमाज भारतका तर्फबाट बिष्णु मल्ल, गोबिन्द पान्डे ले मनतब्य राख्नु भएको थियो भने, कार्यक्रमको संचालन दीपक तिरुवाले गरेका थिए । वक्ताहरुले बोल्ने क्रममा अहिलेको सरकारले नेपाललाई युक्रेन बनाउन खोजेको कुरा बताएका थिए । करीब 100 बढीको सहभागिता रहेको उक्त विरोध कार्यक्रममा भारतीय प्रशासन बाट केही अवरोध खडा गरिए पनि सोधपुछ पश्चात उनीहरुलाई छोडिएको थियो । उक्त विरोध प्रदर्शन 3 बजे देखि राजदूतावासको बाहिरी भागमा गरिएको थियो ।