धनगढी, 29 मार्च 2020/ हिम शाह
धनगढीमा सेती प्रादेशिक अस्पतालमा भर्ना भएका कोरोना संक्रमित ३४ वर्षिय युवकको स्वास्थ्य लाभको कामना गर्दै दिप प्रज्वलन गरिएको छ। बोलन्या थलीले युएईको दुबईबाट भारतको राजधानी दिल्ली हुँदै चैत ८ गते काठमाडौँबाट नेपालगञ्ज हुँदै धनगढी पुगेका कोरोना संक्रमित ३४ वर्षिय युवकको स्वास्थ्य लाभको प्राथना गर्दै दुई ठाँउमा (३४ वटा) दिप प्रज्वलन गरेको हो।
बोलन्या थलीका संयोजक यादव जोशीले चैत्र ११ गते सेती प्रादेशिक अस्पतालमा भर्ना भएका युवकमा कोरोनाको संक्रमण देखा परेपछि भगवानले उनलाई कोरोना सँग लड्ने शक्ति प्रदान गरुन भन्ने अपेक्षाले शीघ्र स्वास्थ्य लाभको कामना सहित दिप प्रज्वलन गरिएको बताउनुभयो। ८ गते धनगढी पुगेका उनि चैत ११ गते सेती प्रादेशिक अस्पताल भर्ना भएका थिए। उनको स्वास्थ्य अवस्था सामान्य रहेको अस्पतालले जनाएको छ।
बोलन्या थली (Freedom of speech) सुदुरपश्चिम प्रदेशमा नागरिक अभियानको रुपमा रचनात्मक आन्दोलन गर्दै आईरहेको गैर नाफामुलक संस्था हो।
