काठमाडौँ, २२ जनवरी
नारायणगढ–मुग्लिन सडक खण्ड सञ्चालनमा आएको छ । पहिरो खसेपछि सडक अवरोध भई सडकको दुवैतर्फका सवारी रोकिएका थिए ।
पहिरो खसेर अवरुद्ध बनेको सडक आज बाट पहिरो पन्छाएपछि सञ्चालनमा आएको नारायणगढ–मुग्लिन सडक आयोजनाले जनाएको छ ।
आयोजनाका अनुसार, दुईवटा जेसीभी र एउटा लोडर प्रयोग गरी सडकको पहिरो हटाइएको हो ।
यो सडक खण्ड वर्षाका अतिरिक्त हिउँदमा पनि पहिरोको चपेटामा पर्दै आइरहेको छ । आयोजनाका अनुसार सडक विस्तारको काम सकेर अहिले पहिरो रोक्ने काम भइरहेको छ ।
