नयाँ दिल्ली, 17 अक्टोबर 2020
नेपालीहरुको महान चाड वडा दशैं आजबाट शुरु भइसकेको छ । दशै घर जस्तो अन्त कहाँ रमाइलो हुन्छ र । रोजगारीका लागि विदेशीएका युवाहरु पनि दशैँका लागि घर आउने गर्दछन । तर अहिले कोरोना महामारीसँगै बद्लिएको परिवेशमा रोजगारीका लागि गएका युवाहरु नेपाल फर्कन पाएका छैनन ।
यसै पीडालाई गीतमा उतारेर चर्चित लोक तथा दोहोरी गायक नारायण विपी परियारले दशै विशेष गीत ‘परदेशी’ बजारमा ल्याएका छन । नारायण विपी परियारको आफ्नै र गायिका देवी घर्तीको स्वरमा रहेको ‘परदेशी’ गीतमा अभिनयपनि नारायण विपी परियार र लोकदोहोरी गायिका विष्णु श्रीपालीको रहेको छ । बबी जिसीको लय/ शब्दमा रहेको उक्त गीतको निर्देशन गायक विक्रमबाबु विश्वकर्माले गरेका छन। त्यसैगरी उक्त गीतको छायांकन/सम्पादन शोभाखर पन्त र कृष्ण शर्माले गरेका हुन ।
यस गीतमा धन कमाउन परदेशमा गएका लाखौ नेपालीहरु विभिन्न कारणले दशैं मनाउन आफ्नो जन्मथलो गाउँ घरमा आउन नपाउँदाको पिडा प्रस्तुत गरिएको छ । यो गीतलाई विदेशमा रहेका नेपालीका साथै पारिवारिक विछोडमा रहेका नेपालीहरुले निकै मन पराईरहेका छन ।
यस्तो छ भीडियो