काठमाडौं, 3 दिसम्बर 2022
राष्ट्रिय सभाका अध्यक्ष गणेशप्रसाद तिमिल्सिनाले प्रतिनिधिसभा र प्रदेशसभा निर्वाचन परिणाम मुलुक र राजनीतिक दलका लागि लाभदायी नभएको बताएका छन्। शनिबार ललितपुरमा आयोजित कार्यक्रममा अध्यक्ष तिमिल्सिनाले स्थापित दलमाथि नै प्रश्न उठ्ने किसिमको निर्वाचन परिणाम मुलुकका लागि हितकर नभएको बताएका हुन्। उनले भने, ‘लोकतन्त्रमा नागरिकलाई दल वा स्वतन्त्र व्यक्ति रोज्न पाउने स्वतन्त्रता छ। तर जे परिणाम आएको छ, त्यो सुखद होइन। स्वतन्त्र पनि पार्टी भएको छ एउटा। तर त्यसमा पार्टीभन्दा पनि स्वतन्त्र भन्ने शब्दका कारण जनमत गएजस्तो देखियो। यसले दलहरूको भविष्यप्रति घन्टी बजेको छ।’ सचेत समुदायले राजनीतिक दललाई सच्याउन सके मात्रै गणतन्त्र सुदृढ हुने उनको धारणा छ। ठूलो संघर्षबाट प्राप्त संघीयता, लोकतन्त्र र गणतन्त्रलाई बलियो बनाउन राजनीतिक दल बलियो हुनुपर्ने उनको भनाइ छ।
