काठमाडौं, 29 नवम्बर 2021
नेपाल कम्युनिष्ट पार्टी(एकीकृत समाजवादी) का अध्यक्ष माधव कुमार नेपालले नेकपा एमालले चितवनमा कुम्भ मेला प्रदर्शन गरेको टिप्पणी गर्नुभएको छ । राष्ट्रिय जन सांस्कृतिक महासंघ नेपालले काठमाडौंमा गरेको कार्यक्रममा बोल्दै एकीकृत समाजवादीका अध्यक्ष माधव नेपालले फरक मत राख्ने व्यक्तिहरुमाथि चितवनमा भएको अत्याचारले नेकपा एमालले आफ्नो चरित्र प्रदर्शन गरेको आरोप लागाउनुभएको हो । उहाँले नेकपा एमाले दक्षिण पन्थी भासमा भासिएको बताउदै नेकपा एमाले कम्युनिष्ट पार्टी हुन नसक्ने तर्क गर्नुभयो । अध्यक्ष नेपालले लोकतन्त्रमा विश्वास गर्ने पार्टीहरुबीच गठबन्धन भएको बताउँदै आफूहरुको यात्रा समानता र एकताको यात्रा भएको जिकिर गर्नुभयो । समाजबाट भेदभाव हटाउन संघर्ष गर्नुभपर्ने, समाजमा रहेको छुवाछुत लगायतका कुसंस्कारलाई हटाउन पहल गर्नुपर्ने अध्यक्ष नेपालको भनाई छ ।
